Ouwehand ta retira y Christine Teunissen ta asumi liderazgo di Partido pa Animalnan na Hulanda

DEN HAAG – Esther Ouwehand a anuncia cu e lo laga su funcion como lider y presidente di fraccion di Partij voor de Dieren. E puesto lo wordo ocupa pa parlamentario Christine Teunissen, mientras cu Ouwehand lo sigui activo como miembro di Tweede Kamer.

Teunissen, di 40 aña, a expresa entusiasmo pa lidera e partido y a declara cu defensa di animalnan, naturaleza y personanan vulnerable ta mas importante cu nunca. Teunissen ya tabata considera como e numero dos dentro di e organizacion.

Ouwehand tabata lider di e partido desde 2019 y durante su liderazgo a enfrenta diferente reto interno y periodonan di agotamento. Segun e, e lucha politico a exigi hopi, pero a val pena pa proteha animalnan, naturaleza y otro grupo vulnerable.

Apesar di laga e liderazgo, Ouwehand lo permanece den Parlamento Hulandes, unda lo concentra riba dos propuesta di ley importante: uno pa reduci e bioindustria y otro pa limita sufrimento di animalnan durante proseso di mata.