Merca ta clasifica islanan Caribe diReino Hulandes na nivel mas abou di alerta di biahe

ORANJESTAD – Tur e islanan Caribe den Reino Hulandes a wordo clasifica door di United States den e nivel mas abou di seguridad pa biahero, segun un publicacion di The Peoples Tribune.

Ministerio Mericano di Asuntonan Exterior a coloca Aruba, Bonaire, Curaçao, Sint Maarten, Saba y Sint Eustatius den “Level 1”, cu ta indica cu no tin riesgo adicional grandi pa turista y cu biaheronan solamente mester tuma precaucionnan normal.

Segun e evaluacion americano, e clasificacion ta basa riba seguridad general pa bishitante nan y por cambia dependiendo di circumstancianan internacional. E status positivo aki ta importante pa reputacion internacional di e islanan, ya cu hopi biahero ta usa e tipo di consehonan ora nan ta scoge destino di vacacion.

The Peoples Tribune a señala cu, aunke e conseho ta positivo, biaheronan semper mester keda alerta y sigui practicanan normal di seguridad durante nan biahe.