Aruba Tourism Authority ta destaca Zona di Desperdicio como paso pa un Aruba mas limpi

ORANJESTAD – Aruba Tourism Authority a enfatisa cu inauguracion di e Zona di Desperdicio na Barcadera dialuna ultimo, ta un paso importante den direccion di un Aruba mas limpi y sostenibel. E facilidad, habri oficialmente dia 1 di juni, ta ofrece residente nan un luga accesibel pa deposita desperdicio di forma responsabel.

Segun ATA, e proyecto ta parti di un colaboracion cu gobierno y sector priva pa fortalece maneho di desperdicio y reduci dump ilegal. Organisacion a declara cu un Aruba limpi no solamente ta beneficia comunidad, pero tambe ta fortalece posicion di Aruba como destinacion turistico atractivo.

Den marco di campaña “Aruba Limpi”, enfoke awo no ta solamente crea conscientisacion, pero tambe cambia comportacion door di duna comunidad hermentnan practico pa maneha desperdicio correctamente. ATA a indica cu e campaña lo continua cu educacion y informacion tocante uso correcto di e facilidad y importancia di separacion di desperdicio.