Mervin Wyatt-Ras: Cuido di diabetes mester bay mas leu cu medicina

ORANJESTAD – Melvin Wyatt-Ras a participa den lanzamiento di un proyecto piloto nobo pa cuido multidisciplinario di diabetes na Aruba. E iniciativa ta reuni diferente profesionalnan di salud pa brinda cuido mas coordina y personalisa na personanan cu diabetes tipo 2.

Segun e minister, diabetes ta un reto serio pa salud publico na Aruba, unda aproximadamente 11% di poblacion ta biba cu e condicion. E la enfatisa cu prevencion, guia y continuidad den cuido ta igual di importante manera tratamiento.

E proyecto piloto ta un cooperacion entre Directie Volksgezondheid, IMSAN, AZV, Dr. Horacio Oduber Hospitaal y diferente profesionalnan di salud. Pashentnan lo ricibi apoyo di un ekipo cu ta inclui internista, verpleegkundige di diabetes, dietista, trahado social y pedicurista specialisa.

E programa lo dura un aña y ta enfoca riba personanan entre 18 y 69 aña cu diabetes tipo 2. Meta principal ta logra miho control di e enfermedad y preveni complicacionnan den futuro.