- Tito Laclé lo confronta Errol de Freitas (SBNA) riba e.o. HOFA y San Nicolas den Noticiacla LIVE
- Evelyn Wever-Croes ta rechasa acusacion di vd Burg cu e la duna ambtenaarnan instruccion pa HOFA
- Merca ta clasifica islanan Caribe diReino Hulandes na nivel mas abou di alerta di biahe
- Mervin Wyatt-Ras: Cuido di diabetes mester bay mas leu cu medicina
- Aruba Tourism Authority ta destaca Zona di Desperdicio como paso pa un Aruba mas limpi
- Tito Laclé lo confronta Errol de Freitas (SBNA) riba e.o. HOFA y San Nicolas den Noticiacla LIVE
- Evelyn Wever-Croes ta rechasa acusacion di vd Burg cu e la duna ambtenaarnan instruccion pa HOFA
- Merca ta clasifica islanan Caribe diReino Hulandes na nivel mas abou di alerta di biahe
- Mervin Wyatt-Ras: Cuido di diabetes mester bay mas leu cu medicina
- Aruba Tourism Authority ta destaca Zona di Desperdicio como paso pa un Aruba mas limpi
Tito Laclé lo confronta Errol de Freitas (SBNA) riba e.o. HOFA y San Nicolas den Noticiacla LIVE
ORANJESTAD – Awe nochi pa 8:30pm, periodista Tito Laclé lo entrevista presidente di San Nicolas Business Association, Errol de Freitas, den un edicion di Noticiacla LIVE, unda e debate riba HOFA, autonomia y futuro economico di Aruba y San Nicolas lo ocupa centro di atencion.
Durante e programa, publico por spera posicionnan fuerte di De Freitas tocante loke e ta considera como un peligro pa autonomia di Aruba. Den declaracionnan comparti prome cu e entrevista, e la expresa preocupacion profundo cu hopi hende no ta compronde e sacrificionan cu a wordo haci pa Aruba logra Status Aparte y e importancia di keda “baas den nos mes cas”.
De Freitas ta cuestiona pakico Aruba constantemente mester “dobla” pa Hulanda ora pais ta desea move dilanti economicamente y financieramente. Segun e, idea tras di HOFA ta principalemente pa baha interes riba debe, mientras cu eventualmente Aruba por termina entregando mas control financiero y politico na Hulanda.
E presidente di SNBA tambe ta critica manera gobierno ta maneha negociacionnan tocante futuro di refineria, cuestionando pakico minister di Energia y RDA no tabata involvi directamente den conversacionnan cu Hulanda, apesar cu ta placa di pueblo ta wordo usa pa busca solucionnan.
Ademas e entrevista di awe nochi lo aprofunda riba tema manera: autonomia versus supervision financiero, futuro economico di San Nicolas, influencia hulandes riba decisionnan local, y si Aruba ta lentamente perdi control riba su propio direccion politico y economico. E programa lo wordo transmiti awe nochi pa 8:30pm via e diferente plataforma digital di Noticiacla.