Supercomisario nombra den benta di Ennia Aruba tin voto decisivo

WILLEMSTAD/ORANJESTAD – Hof di Husticia a ordena nombramento di un supercomisario special den e conflicto entre direccion di Ennia Aruba y Central Bank of Curaçao and Sint Maarten tocante e proceso di benta di compania.

Segun decision di corte, e comisario nobo lo por participa den reunionnan di directiva di Ennia Aruba y tin voto decisivo den tur decision relaciona cu e proceso di benta. E medida ta valido inmediatamente y durante e procedimiento legal, aun si esaki ta desvia di estatutonan actual di compania.

E matutino Antilliaans Dagblad a raporta cu probablemente e posicion lo wordo ocupa door di René Collé, un administrador temporal hulandes cu hopi experiencia den sector di seguro y pension. Corte tambe a determina cu salario y gastonan di e comisario lo wordo paga door di Ennia Aruba.

Mientras tanto, CBCS y directiva di Ennia Aruba no a desea di duna hopi comentario publico tocante e caso. Den procedimiento legal, tambe a involvi diferente entidadnan y autoridadnan manera Central Bank of Aruba y Aruba Fair Trade Authority.

E decision di Hof ta pone mas supervision legal riba futuro di operacionnan di Ennia Aruba y e importante proceso di restructuracion di grupo Ennia. Texto y potret cortesia Antiliaans Dagblad.