Conocido comerciante Ruben Mansur (93) a fayece

ORANJESTAD – Awe tardi Noticiacla a ricibi e tristo noticia di fayecimento di conocido comerciante y ciudadano na Aruba, Ruben Mansur, cu ta tata di e conocido ciudadanonan y comerciantenan Eric, Ilienne, Bincho, Carlo y Izaira Mansur. Ruben Mansur tabata e di dos yiu di Elias y Damia Mansur. E la studia na Spring Hill College , despues e la bin traha cu su tata den diferente negoshi concentrando riba import/export te cu e la funda su propio empresa. E la casa cu Erica Arends y tabata activo den diferente asociacion y obra caricativo. Ademas e tabata un ferviente piscado. Ruben Mansur a fayece cu e bunita edad di 93 aña. Noticiacla ta manda palabra di forza na su famia.