Aeropuerto a pone ultimatum: Lo confisca autonan bandona si no reclama na tempo

Posted on 04/16/2026 9:34 am AST | Updated on 04/16/2026 9:40 am AST

ORANJESTAD - Aruba Airport Authority N.V. a informa comunidad cu tres vehiculo actualmente ta den custodia di seguridad di aeropuerto, despues cu nan a wordo getouw y tuma den beslag. Te awor, ningun propietario no a presenta pa reclama nan.

Personanan cu ta pensa cu nan ta doño legitimo di algun di e autonan, mester pone nan mes na contacto cu seguridad di aeropuerto pa verifica y coordina retiro. Ta obligatorio pa presenta prueba valido di propiedad, manera registracion, certificado di titulo, documento di seguro of otro documento oficial, hunto cu identificacion di gobierno.

Propietarionan tin un plazo di 30 dia, contando for di fecha di publicacion, pa reclama nan vehiculo. Si e auto no wordo reclama dentro di e periodo ey, lo wordo procesa segun regulacionnan y procedimentonan vigente.

Pa mas informacion of pa inicia reclamacion, por yena e formulario riba website oficial: https://www.airportaruba.com/contact-us

Vehiculonan den custodia:

Opel Astra (2010) – color shinishi

Toyota Corolla (2000) – color blanco, plachi A-75612 (getouw 2 di september 2025)

Nissan Cube – color biña, plachi A-52794 (getouw 1 di april 2025

AMMF: Dolfijn Charlie ta sigui recuperando na Aruba
ORANJESTAD – Aruba Marine Mammal Foundation a confirma diabierna cu e dolfijn cu recientemente a crea hopi preocupacion y speculacion den comunidad, ainda ta bibo y ta sigui den proceso di recuperacion y alimentacion.
Mas Local
Lesa Mas
Rainbow Warriors ta propone codigo di conducta pa sector di UTV, ATV, e-bike y e-scooter
ORANJESTAD - Rainbow Warriors Core Foundation a haci un llamado pa crea un convenio y codigo di conducta enfoca riba sostenibilidad pa e sectornan di UTV/ATV y e-bikes/e-scooters na Aruba. Segun e fundacion, e reciente decisionnan di gobierno y e accion legal contra operadornan di ATV y UTV ta pone empleo y estabilidad economico den peligro.
Mas Local
Lesa Mas
Aruba ta revoca permiso di buelo di aeroliña charter Bestfly: Compania ta bisa cu nan mes a pidi esey
ORANJESTAD – Departamento di Aviacion Civil di Aruba (DCAA) a revoca e Air Operator Certificate (AOC) di Bestfly, despues di accionnan regulatorionan cu, segun autoridadnan, a wordo tuma den interes di seguridad di aviacion y supervision di cumplimiento.
Mas Local
Lesa Mas
Nacionnan Uni ta alerta riba reto y cambio den famianan na Aruba
ORANJESTAD - Den cuadro di Dia Internacional di Famia 2026, Nacionnan Uni ta pone enfasis riba importancia di famia como base fundamental pa desaroyo humano y bienestar social. Tema di aña aki ta “Famia, desigualdad y bienestar infantil”, enfocando riba impacto di pobresa, divorcio, violencia, adiccion y exclusion social riba mucha y hoben.
Mas Local
Lesa Mas
Miguel Mansur ta cuestiona “show” politico y falta di solucion structural na Aruba
ORANJESTAD - Empresario y opinionista Miguel Mansur a critica e forma con gobierno ta presenta diferente proyecto publico fueramente, argumentando cu hopi anuncio y evento mediatico no ta ataca e problemanan structural cu Aruba tin. Segun Mansur, revitalisacion real di centro di ciudad no ta cuminsa cu camera ni cu acto simbolico manera kita klinker, sino cu solucionnan concreto y duradero.
Mas Local
Lesa Mas
HOH ta amplia cuido medico cu prome Physician Assistant na Aruba
ORANJESTAD - Horacio Oduber Hospital (HOH) a celebra un momento historico cu graduacion di Gianina de Freijtas como e prome “Physician Assistant” (PA) na Aruba. E estudio, desaroya hunto cu HAN University of Applied Sciences, ta enfoca riba cuido directo di pashentnan y ta brinda mas oportunidad pa profesionalnan medico traha independiente y asisti specialistanan.
Mas Local
Lesa Mas