Prome Investment Conference di OCT Forum ta habri porta pa inversion y colaboracion

ORANJESTAD – Durante e 21st EU-OCT Forum na Aruba, a celebra pa prome biaha un Investment Conference, reuniendo territorionan di OCT, Union Europeo y diferente partnernan pa fortalece colaboracion y impulsa inversion den region. Minister di Finansa, Asunto Economico, mr. Geoffrey Wever, a habri e conferencia aki.  

E conferencia a enfoca riba crea oportunidadnan pa financiamiento di proyectonan grandi, conectando sector priva cu institucionnan internacional pa converti ideanan den accion concreto. Tema importante a inclui conectividad, energia, maneho di crisis y reto ambiental manera sargassum.

Participacion den programa Global Gateway ta habri caminda pa acceso na fondo europeo y inversion priva, algo cu ta considera clave pa desaroyo di proyectonan cu impacto real den comunidadnan.

E iniciativa ta mustra cu colaboracion regional entre e territorionan por yuda enfrenta retonan comun y crea oportunidadnan nobo pa crecimiento y innovacion.