- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Aruba gana premio internacional pa excelencia den turismo di crucero
MIAMI – Aruba Tourism Authority (ATA) a wordo honra cu e Aquila Whalesong Destination Award durante Seatrade Cruise Global, como reconocemento pa su desempeño sobresaliente como destinacion di crucero y su enfoke riba sostenibilidad y desaroyo di personal.
E premio, cu ta simbolisa forsa, sabiduria y harmonia, ta resalta e esfuerzo continuo di Aruba pa construi un turismo responsabel, cu ta proteha medio ambiente, beneficia comunidad y mehora experiencia di bishitante.
Durante casi dies aña di colaboracion cu Aquila Center for Cruise Excellence, Aruba a inverti fuertemente den entrenamento y desaroyo di su forsa laboral, cu a resulta den miho servicio y mas satisfaccion entre bishitantenan.
Lidernan di turismo, incluyendo Minister Wendrick Cicilia y CEO Ronella Croes, a destaca cu e premio aki confirma compromiso di Aruba pa mantene un turismo sostenible y di calidad halto pa futuro.
Aruba tin un miyonario nobo cu a gana 1.425.000,= florin
ORANJESTAD – Aruba tin un miyonario nobo awe nochi, cu a gana e premio di Mega Plus, cumpra na Kas Ariba Lottery na Sta Cruz. E la gana e bunita suma di 1.425.000,= su so, cu e numbernan 16-19-22-29 y megaball 07.. Masha Pabien.
Aruba den centro di expansion historico di American Airlines pa zomer 2026
ORANJESTAD – American Airlines lo opera su programma di zomer mas grandi den historia entre 21 di mei y 8 di september 2026, y Aruba ta ocupa un posicion central den e expansion aki. Asina e portal eckis.org ta raporta. Durante e periodo di zomer, American Airlines ta spera di transporta aproximadamente 75 miyon pasahero via 750 mil buelo na nivel mundial. Aruba ta sali como uno di e destinacionnan clave den Caribe cu lo beneficia directamente di e crecemiento grandi aki. Pa Aruba, e compania lo opera dos buelo diario for di Miami, 12 buelo semanal for di Charlotte y cinco buelo semanal for di Philadelphia. Esaki ta representa un impulso importante pa conectividad entre Aruba y mercado mericano.
Awe ta bo oportunidad di gana 1 miyon 425 mil florin cu Mini Mega y Mega Plus!
Aruba a mustra su aeropuerto digital y moderno na premier hulandes Rob Jetten
ORANJESTAD – Durante su bishita oficial na Aruba, Rob Jetten a ricibi un recorrido den Queen Beatrix International Airport, unda a mustra innovacion, digitalisacion y e sistema avanzado di frontera cu Aruba tin implementa.
A.T.A. y FTA firma CAO nobo cu beneficio flexible pa empleadonan
ORANJESTAD – Aruba Tourism Authority y Federacion di Trahadornan di Aruba a firma oficialmente un Convenio Colectivo di Labor (CAO) nobo valido pa periodo 2026 te 2028.
Pasashi mas barata ta impulsa boom argentino pa Aruba, pero tin critica tambe
BUENOS AIRES/O’STAD – Aruba ta sigui consolida su posicion como un di e destinonan mas popular pa turista di Argentina. Desde cu aña pasa a cuminsa cu buelonan directo entre e dos paisnan, cantidad di argentino cu ta bishita Aruba a crece notablemente. Y awo, cu campaña “Hot Sale 2026” ta ofreciendo pasashi directo pa Aruba for di apenas 632 dollar americano ida y buelta, tur ta indica cu e flujo di turista argentino lo sigui aumenta. E promocionnan, cu ta inclui facilidad di pago te 12 cuota sin interes, ta convirti Aruba den un destino aun mas accesibel pa clase medio argentino, specialmente den un momento unda hopi hende ta buscando vakantie den Caribe cu prijs relativamente competitivo.
Follow NoticiaCla
