Dowers: Lo implementa cambio drastico pa pone sistema na AWSS na orden

ORANJESTAD - Minister Arthur Dowers a informa Parlamento riba situacion serio cu e la hereda na e planta di purificacion di awa, AWSS N.V., unda a haya falta di maneho, ausencia di direccion strategico, mal uso di fondonan y falta di control interno.

Despues di varios estudio, gobierno a inicia cambio drastico pa restaura orden, transparencia y eficiencia. A inverti den personal, infrastructura y tecnologia, incluyendo upgrade di incinerator y mehoracion di facilidadnan.

Segun e mandatario, den 2024, e operacion tabata den estado critico, pero awe tin progreso claro: capacidad di plantanan manera Bubali y Parkietenbos a subi significativamente. Aun asina, AWSS ta enfrenta un reto grandi cu atraso di desperdicio medico.

Segun e director Joseph Everon, lo añadi dos incinerator mas pa aumenta capacidad. Dowers ta expresa confiansa cu e cambio nan ta pone AWSS riba caminda corecto, cu impacto directo riba salud publico, medio ambiente y calidad di bida na Aruba.