La Quinta ta lansa hardin sintropico y ta apuesta riba turismo sostenibel

ORANJESTAD - La Quinta Beach Resort na Aruba a lansa un hardin di agroforesteria sintropico como parti di su compromiso cu sostenibilidad. Den colaboracion cu experto local, e resort ta cuminsa produci cuminda fresco riba mesun propiedad pa empleadonan y huespednan, den un modelo di “farm-to-members and staff”.

E proyecto ta basa riba agricultura regenerativo, cu no solamente ta uza tera, pero tambe ta restaura su calidad, aumenta biodiversidad y mehora retencion di awa. Esaki ta pone La Quinta como un ejemplo di turismo responsabel na Aruba.

Durante e lansamento, e presidente Stephen Scaturro a planta e prome mata, simbolisando e inicio di e iniciativa.