Indignacion cu hefe di KLM a gana salario miyonario den aña turbulento di 2025

SCHIPHOL - President-director di KLM, Marjan Rintel, a gana aña pasa 30 porciento mas cu na 2024. Esaki ta sali na cla for di e informe anual nobo di e aerolinea Hulandes.

Den total, Rintel a gana casi 1,6 miyon euro. Su salario basico di 600.000 euro no a cambia, pero e directiva por ricibi pago variable adicional. E parti ey tabata mas halto pa Rintel aña pasa. Riba papel, KLM finalmente a logra atrobe un bon entrada y ganashi, despues di algun aña dificil pa motibo di e impacto di crisis di corona.

Sinembargo, den practica tabata tin hopi inquietud den e compania, cu ta parti di Air France-KLM. Asina, KLM y sindicatonan a para varias biaha dilanti huez pa motibo di welganan anuncia di personal di tera.

Solamente despues di mediacion di ex-minister Aart Jan de Geus a logra un convenio laboral nobo. Den esaki, personal di tera ta ricibi un aumento salarial total di 3,25 porciento den dos aña, hunto cu un bono unico y mas oportunidad pa haya un contrato fijo.