- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Saneamento di Parkietenbos mester cuminsa e aña aki
ORANJESTAD – E saneamento di e dump di Parkietenbos mester cuminsa e aña aki ainda despues di un investigacion tecnico cu a mustra problema ambiental serio y riesgo pa seguridad. Esaki ta sali na cla for di resultado di un estudio di oficina di ingenieria Witteveen & Bos.
For di e investigacion ta sali tres punto urgente di atencion cu, segun gobierno, ta exigi medida inmediato y estructural. Asina, e talud na banda zuid di e dump — cu ta limita directo cu laman — ta demasiado empina, causando cu sushi ta cay den laman. Esaki ta forma un riesgo ambiental directo pa ecosistema marino y ta pidi intervencion tecnico pa preveni mas daño. Ademas, riba dieseis ubicacion a constata asina yama sushi cu ta sinta kima. Den e situacion aki, sushi ta kima largo bou tera sin candela visibel. Di bez en ora e ta laira riba superficie, causando huma y mal holor pa bisiñanan, y creando riesgo pa salud y seguridad. Presentacion di resultado di estudionan tecnico ehecuta door di Witteveen & Bos riba situacion na dump di Parkietenbos
ASBEST
Un di tres problema ta presencia di asbest riba e tereno. E material aki ta exigi maneho specialisa y costo halto pa por aisla esaki di forma seguro y preveni cu fibra dañino sali na aire. Segun ministerio, tin mester di un plan tecnico cuidadoso pa aborda e situacion aki di forma responsable.
Gobierno ta considera e situacion actual como insostenibel y cu medida estructural kier preveni mas daño ambiental y riesgo pa salud. Den vision futuro pa e area, incluso ta wordo considera un transformacion completo di Parkietenbos, unda e dump lo wordo cambia pa un terreno cu plantacion nativo y restauracion di naturalesa.
E plan ta enfoca riba saneamento di tera, rehabilitacion ambiental y mehora di ambiente di bida pa barionan rond di e area. Asina no solamente e molestia di hopi aña pa habitantenan lo caba, pero tambe lo nace un espacio berde nobo cu ta contribui na bienestar riba nos. fuente aruba.nu
ANALISIS: 40 aña despues: Status Aparte ainda ta un campo di bataya politico
VIDEO: Hoogervorst (CAFT): Mester cobra contratista pa mal trabou haci di expansion di hospital
ORANJESTAD – Si hospital mes no hacie, gobierno mester persigui e contratista responsabel pa e Proyecto di renobacion y expansion di Horacio Oduber Hospital. Asina president di e colegio di supervision financiero CAFt drs Hans Hoogervorst a bisa den e programa Noticiacla LIVE diahuebs anochi. E presidente di e colegio financiero, no tabatin bon palabra pa e trabounan haci y e no a sconde esaki den e programa. Pa wak e segmento, click AKI
Presidente di CAFT ta invitado den programa Noticiacla LIVE awe nochi
ORANJESTAD – Presidente di Colegio di Supervision financiero di Aruba (CAFt), drs Hans Hoogervorst lo ta invitado di e progama noticioso Noticiacla LIVE awe nochi, diahuebs 5 di maart 2026. Temanan interesante cu e moderador Tito Laclé lo trata, ta entre otro e preocupacion di CAFt riba maneho di gobierno di companianan gubernamental, problema na hospital, y sigur e ley di Reino RHOFA. Bo no kier perde e programa aki awe nochi cu ta cuminsa 8:30pm riba e pagina di Facebook di Noticiacla y despues riba e pagina di youtube di Noticiacla.
SETAR ta aporta na e Festival un Canto pa Aruba su Himno y Bandera 2026
DVG: Sushi deposita na damnan ta menasa pa salud publico
Directie Natuur en Milieu ta conmemora Dia Mundial di Bida di Bestia y Mata Salvahe 2026
ORANJESTAD - Aruba y mundo ta celebra Dia Mundial di bida di bestia y mata salvahe y na Ingles yama "World Wildlife Day" (WWD). E aña aki, Nacionnan Uni a dedica e dia aki na e rol fundamental cu mata medicinal y aromatico tin den nos bida diario, bou di e tema: “Mata Medicinal y Aromatico: ta yuda conserva salud, herencia y sobrevivencia”. Desde cu Asamblea General di Nacionnan Uni a proclama e fecha aki na 2013, 3 di maart a bira un evento anual di mas grandi dedica na bida salvahe di mata y bestia. E fecha ta recorda e firmamento di e convenio di CITES (Convention on International Trade in Endangered Species of Wild Fauna and Flora), di cual Aruba tambe ta forma parti di esaki, cu e meta pa percura cu comercio internacional di especie salvahe no ta forma un menasa pa nan sobrevivencia.
Follow NoticiaCla
