- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
RvA: Retraso den ley ta menaza credibilidad di gobernacion di Aruba
ORANJESTAD - E aña 2025, cu marca 40 aña di existencia di Raad van Advies, a resulta historico — pero den sentido negativo. Nunca antes e Conseho a haya tan poco proyecto di ley pa trata. Mientras na 2015 ainda tabatin 53 diseño di ley, na 2025 solamente 24 a wordo presenta, incluyendo 8 presupuesto. E conseho ta mustra preocupacion serio cu hopi legislacion cu gobierno mes a marca como prioridad — manera ley di privacidad moderno, reforma den educacion y trabou, y ley di gobernansa corporativo — ainda no a yega na fase di aprobacion, apesar di añanan di preparacion. Tambe tin ley cu a pasa tur proceso legislativo pero ainda no a drenta na vigor pa añanan, manera Ley General di Derecho Administrativo y ley penitenciario.
DEBILITA CREDIBILIDAD
Segun Raad van Advies, e retraso persistente den legislacion ta debilita credibilidad y efectividad di e proceso legal y di gobernansa di Aruba. Falta di experto specialisa y recurso financiero ta un causa importante.
HOFA
Un otro punto di preocupacion ta e propuesta di ley riba finansas publico sostenibel (HOFA) y e ley local asocia. E tema aki a bira fuertemente politisa, incluso den Parlamento, unda e rol independiente di Raad van Advies a wordo pone den cuestion durante discusion di su propio presupuesto — algo cu anteriormente tabata simplemente formal.
ARUBA NO TA PAIS
Despues di cuatro decada Status Aparte, Aruba ya no por wordo considera un pais hoben. Segun Raad, e pregunta central pa futuro ta si estado di derecho y garantia democratico realmente ta solido den practica politico y social di pais. Den aña jubileo 2026, Raad van Advies lo contribui na e reflexion nacional cu su consehonan.
Van der Burg: No ta sostene idea di Eman pa cambia debe di Covid den fondo di inversion
DEN HAAG / ORANJESTAD – Hulanda no ta dispuesto pa sostene e idea di gabinete AVP-FUTURO (lesa: prome minister Mike Eman:red) pa converti e debe actual di COVID den un fondo di inversion. E peticion ey a bin di actual prome minister Mike Eman for di momento cu aña pasa e la bira prome minister atrobe. E prome intento a fracasa ora cu e la puntra e secretario di estado e tempo ey, Eddie van Marum, cu tabata secretario di estado pa Asuntonan di Reino e tempo ey. Awor cu gobierno a cambia, e pensamento pa esaki si a keda mescos. No!.
Vd Burg: No ta dispuesto pa 'cambia' e version actual di HOFA
DEN HAAG / ORANJESTAD – Signatura di Gobierno di Hulanda por a cambia, pero nan pensamento pa cu Aruba su asuntonan no. Esey por a compronde diabierna merdia durante un conferencia di prensa entre secretario di estado nobo di Hulanda pa Asuntonan di Reino Eric van der Burg cu periodistanan di Reino. Riba e tema di HOFA y conversion di debe di covid den fondo di inversion, Aruba a haya cada biaha un no, como contesta. No pa cambio di contenido di HOFA, y no pa converti e debe di Covid den un fondo di inversion.
Minister Schwengle a atende su prome reunion di Conseho di Minister di Reino
DEN HAAG – Minister Schwengle a atende su prome reunion di Conseho di Minister di Reino (RMR). Na final di e RMR tabata tin un momento cu e tres Ministernan Plenipotenciario a pose hunto riba potret. Na e ocacion aki mescos cu tabata e caso di Aruba, pa e Minister Plenipotenciario di Curaçao Errold Bishop tambe tabata su prome reunion di RMR.
RMR: Ley di Reino (HOFA) ta bay Raad van State di Reino pa conseho
DEN HAAG - E proposicion pa un Ley di consenso di Reino finansa publico duradero Aruba (HOFA) ta bay Raad van State di Reino pa conseho. Conseho di Minister di Reino a bay di acuerdo cu esey awe. Cu esey, despues di finalisa e consulta, a dal atrobe un siguiente paso pa realisa e proposicion di ley aki di Aruba y Hulanda conhunto.
Un dia despues di a huramenta na Aruba, minister Mildred Schwengle a yega Hulanda
DEN HAAG – Mildred (Milly) Schwengle a yega awe mainta Hulanda, despues cu ayera ela keda huramenta door di Gobernador di Aruba Alfonso Boekhoudt, como Minister Plenipotenciario di Aruba na Hulanda. Minister Schwengle a wordi ricibi na Schiphol door di hefe di e departamento huridico di Gabinete di Aruba mr. Shandra John.
Na Hulanda, autornan ta exigi cu Meta stop cu uso di nan trabou pa entrená AI
HILVERSUM - Sindicato di periodistanan NVJ, Auteursbond y sindicato di scibinan Lira na Hulanda ta exigi paMeta stop cu uso di texto scibi pa periodistanan y traductornan Hulandes pa entrena modelonan di inteligencia artificial (AI). Segun e sindicatonan, e compañia matriz di Facebook y Instagram ta usa trabounan cu tin derecho di autor pa entrena e modelo di lenga di Meta, Llama, sin paga e autornan pa esaki. Den un carta di somacion manda awe, e sindicatonan ta exigi cu e compañia di Mark Zuckerberg stop cu uso di e datasetnan ilegal. Tambe, segun nan, Meta mester stop cu ofrecemento di modelonan AI cu a wordo entrena cu e tipo di material aki. Si Meta no duna seguimiento na e carta, lo sigui un proceso legal, asina ta bisa presidente di Nederlandse Vereniging voor Journalisten, Thomas Bruning.
Follow NoticiaCla
