Secretario di estado nobo Eric van der Burg a reuni cu alcaldenan di islanan BES

DEN HAAG – Eric van der Burg oficialmente a cuminsa su funcion manera secretario di estado di Asuntonan Interno y Relacionnan di Reino. Riba su prome dia di trabou, dialuna 23 di februari, conocemento y consultacion tabata central, incluyendo combersacion cu alcaldenan di Bonaire, Sint Eustatius y Saba. E secretario di estado nobo a papia cu Alida Francis, John Soliano y Jonathan Johnson pa fortalece cooperacion den e parti Caribense di Reino mesora. Segun Van der Burg, e cooperacion ey ta esencial pa un gobernacion cu ta funciona bon na tur dos banda di oceano. El a enfatisa cu Reino Hulandes ta consisti di varios paisnan y municipio special, incluyendo Corsou, Aruba y Sint Maarten. Cooperacion mester conduci, segun dje, na un economia fuerte y un sociedad unda habitantenan ta sinti nan mes scucha.

Un punto importante pa Van der Burg ta mehora funcion di gobierno. Segun e, gobierno mester ta cla, ehecutabel y predecibel, pa ciudadano sa unda nan ta para y por tin confianza den gobernacion. Cu su huramentacion, ta cuminsa pa Van der Burg un periodo nobo den cual e  kier compromete su mes pa un gobierno decisivo y cooperacion estrecho den henter Reino.