Prome minister saliente Schoof den video: ‘Danki pa trabou mas bunita cu mi tabatin’

DEN HAAG - Dick Schoof, cu dialuna mainta lo entrega e cargo na Rob Jetten, a gradici pueblo Hulandes den un mensahe di video. “Ser prome minister no tabata e trabou mas facil cu mi ta tin, pero si e mas bunita y mas interesante,” asina el a bisa.

Schoof tabata prome minister sin partido pa mas di un aña y mei. Gabinete a cay den zomer di aña pasa ora PVV a sali for di coalicion pa falta di acuerdo riba maneho di asilo. Mas despues, tambe NSC a laga gabinete pa motibo di desunion tocante politica di Israel.

El a desea su sucesor y gabinete minoritario hopi exito: “Nan exito ta nos exito como pais. Y mi ta spera di curason cu e añanan cu ta bin lo ta añanan di solucion, progreso y conexion.”