Mexico den tension despues di morto di “El Mencho”: blokéo, incendio y alerta di Merca

JALISCO - Fuenta federal na Mexico a confirma diadomingo e morto di Nemesio Oseguera Cervantes, conoci como “El Mencho”, uno di e capo di droga mas busca den continente y lider di Cartel Jalisco Nueva Generacion (CJNG).

Segun fuenta cita pa medio El Universal di Mexico, Oseguera Cervantes a muri durante un operativo di seguridad. Detayenan oficial, sinembargo, lo wordo anuncia pa gabinete di Seguridad di Mexico, segun mandataria Claudia Sheinbaum, cu a pidi pa warda e comunicado oficial.

“Den un rato gabinete di Seguridad lo informa,” el a contesta despues cu prensa a sigui insisti, tras e ola di violencia simultaneo desata door di narcotrafico den por lo menos dies estado di Mexico, cu camindanan blokia, vehiculonan pega candela y operativonan federal desplega riba gran escala, manera El Universal a confirma.

E prome reportenan a registra blokéo di caminda y incendio di vehiculonan den:

Jalisco

Michoacan

Colima

Guerrero

Aguascalientes

Guanajuato

Nayarit

Zacatecas

Tamaulipas