Aruba su entrada den 2025 ta mas abou cu aña anterior, apesar di impuesto mas halto

ORANJESTAD – Entrada di gobierno di Aruba den 2025 a yega mas o menos 1,85 miyon florin, mas abou cu den 2024, ora cu entrada tabata casi 1,9 miyon florin. Esaki ta resulta for di cifranan reciente di ministerio di Finanza y Centrale Bank van Aruba.

REDUCCION DI ENTRADA

E bahada ta principalmente consecuencia di un reduccion den entrada no fiscal. Den 2025 esakinan a yega mas o menos 170 miyon florin, compara cu casi 225 miyon florin un aña prome. Entrada fiscal, al contrario, a aumenta, for di mas o menos 1,65 miyon florin den 2024 pa casi 1,7 miyon florin den 2025.

BELASTING 

Belasting riba benta a keda fuente di entrada mas importante pa gobierno. E rendimiento a subi den 2025 pa mas cu 430 miyon florin, compara cu casi 400 miyon florin den 2024. Tambe entrada for di impuesto riba servicio, incluyendo impuesto riba camber di hotel y licencia di wega di azar, a aumenta te casi 150 miyon florin, compara cu mas o menos 135 miyon florin un aña prome. Entrada for di impuesto riba ingreso y ganashi, sin embargo, tabata mas abou den 2025. Den e categoria ey a wordo cobra mas o menos 500 miyon florin, compara cu casi 512 miyon florin den 2024. Dentro di e grupo aki, especialmente impuesto riba salario a baha, mientras cu impuesto riba ganashi di empresa a subi.

OSCILACION

Cifranan mensual di ultimo cuartal ta mustra oscilacion cla. Den december 2024, entrada total di gobierno tabata mas cu 180 miyon florin, mientras cu den december 2025 esaki a baha pa mas cu 115 miyon florin. Tambe entrada fiscal den e luna ey tabata mas abou compara cu un aña prome.

Cifranan ta mustra cu gobierno Arubano den 2025 tabata mas dependiente di entrada fiscal, mientras cu otro fuente adicional di entrada a keda atras. Como consecuencia, entrada total a keda bou nivel di aña anterior.