Aruba ta sigui presta contra interes mas halto cu prome cu 2022

ORANJESTAD – Aruba   den 2024 y 2025 tambe ta emiti prestamo  di estado contra interes cu  structuralmente ta mas halto cu den añanan prome cu 2022. Esaki ta sali for di un bista general di obligacionnan di estado y certificadonan di debe di Banco Central di Aruba. Den 2024, gobierno di Aruba a cera varios prestamo contra interes entre 5,18 y 6,32 porciento, dependiente di duracion y moneda. Asina, den mei 2024 a wordo emiti dos prestamo na florin contra interes di 5,86 porciento y 5,18 porciento, mientras cu den september 2024 a sigui dos prestamo na dolar Mericano contra interes di 6,30 y 6,32 porciento. Tambe den 2025 nivel di interes a keda relativamente halto. Den juni 2025 Aruba a emiti un prestamo na florin di 100 miyon contra 5,19 porciento, sigui pa un di dos prestamo di 65 miyon florin contra 4,51 porciento.

PRESTA MAS CARO

For di e cifranan ta resulta cu prome cu 2022 gobierno tabatin posibilidad pa cera un parti considerable di su prestamonan contra interes bou di 5 porciento, aunke den prestamonan financia na dollar mericano tambe na e tempo tabatin porcentahenan mas halto. Desde cu interesnan mundial a subi, e enfoke claramente a move den direccion di costo di financiamiento mas halto, specialmente na emisionnan reciente. E tabla tambe ta mustra cu Aruba ta presta alternadamente na florin Arubano y dollar Mericano, unda prestamonan financia na dollar usualmente tin un interes mas halto. E duracionnan ta varia entre seis y ciesinco aña, cu montantenan cu den algun aña por yega te 165 miyon florin pa emision.

Interes mas halto ta nifica cu gobierno cada aña mester paga mas na pago di interes. Esaki tin consecuencia pa espacio presupuestario y ta amplia e importancia di un maneho di debe cuidadoso, pasobra carganan di interes por a largo plazo influencia politica di gobierno y gasto publico.