Polis ta alerta cu multa lo sigui cay pa auto cu numberplaat ‘bieu’

ORANJESTAD – Cuerpo policial a recorda diaranson, cu nan lo ta controlando severamente pa plach’i di number bieu. “ Mas duidelijk nos no por ta!” e mensahe tabata. “ Nos ta den 2026, Plach'i number blauw so ta valido. Bo tin e cora y bieu e chens ta grandi bo lo haya un boet!” e mensahe tabata

CAMBIA PLACHI

“ Bo mester cambia bo plach'i number mas liher cu ta posibel! Tene na cuenta a duna suficiente tempo pa haci esaki! Nos lo sigui tene nos controlnan den trafico. Pero cu e informacion aki nos kier pa abo sa y ta conciente di esaki!” e mensahe a sigui bisa.