Royal Schiphol Group interesa pa yuda desaroya aeropuerto di Corsou

WILLEMSTAD – Corsou a explora hunto cu Royal Schiphol Group e desaroyo futuro di su aeropuerto internacional. Esaki a sosode durante un reunion orientativo cu e operador di aeropuerto, unda tambe Curaçao Airport Holding tabata involvi. E reunion tabatin un caracter explorativo y tabata enfoca riba intercambio di informacion y experencia. Royal Schiphol Group a duna un splicacion general di su actividadnan internacional y cooperacionnan cu aeropuertonan rond mundo. Segun e partidonan involvi, e enfoke principal tabata aprendizaje mutuo y comparti experticia.

Durante e conversacion a papia di e crecemento den cantidad di pasaheronan na aeropuerto di Corsou y e consecuencianan pa e futuro organizacion y capacidad di e aeropuerto. Tambe a bin na unda por tin e posible expansion di facilidadnan, calidad di servicio y e rol di carga aerea.

E reunion ta wordo mira como un paso informativo den un dialogo mas largo tocante e rol strategico di e aeropuerto pa desaroyo economico di Corsou. No a tuma desicion y tampoco no tin acuerdo concreto riba cooperacion of inversion.