VVD: Eric van der Burg ta bira secretario di estado nobo pa asuntonan di Reino

DEN HAAG – Mientras cu algun ora prome, tabata conoci solamente cu e partido VVD lo produci e proximo secretario di estado pa Asuntonan di Reino, reemplasando asina Eddie van Marum, awor a bira conoci segun VVD mes, cu Eric van der Burg ta haya e cartera ey. E no ta un desconoci pa nos ya cu e la bishita Aruba caba na october 2023 como secretario di estado pa Asilo y Migracion, y te hasta a bira malo y keda hospitalisa brevemente ora cu e lo a shuata durante di un bishita na Aruba. E tempo ey, su vocero a confirma pa Noticiacla cu enberdad e la bira malo y cu e tabata hospitalisa brevemente. Ora cu e la bolbe Hulanda, e la retira temporalmente, pa recupera.