Presentador di canal di television NBC ta pidi señal di bida di mama secuestra den video

NEW YORK - E presentador di televishon mericano di e canal NBC Savannah Guthrie a pidi den un video riba social media pa un señal di bida di su mama. E muher a desaparece fin di siman pasa y polis huntu cu famia ta parti for di e supocicion cu e ta un caso di secuestro. Nan ta yama e supuesto secuestradornan pa tuma contacto. “Nos mester sa cu siguridad cu e ta bibo ainda y cu boso tin dje. Nos kier tende di dje y nos ta dispuesto pa scucha. Por fabor tuma contacto,” Guthrie a bisa den e declaracion cu e a lesa huntu cu su ruman homber y ruman muhé. “Nos kier papia, pero nos ta biba den un mundo unda bosnan y imagenan por wordo manipula facil.”