- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
- Activista di derechonan civil Jesse Jackson (84) a fayece
SETAR a anuncia celebracion di 40 aña como compania di telecomunicacion
ORANJESTAD - SETAR dialuna a anuncia nan celebracion di 40 aña como Aruba su compania nacional di telecomunicacion, celebrando cuater decada di conexion, innovacion y servicio na e comunidad di Aruba. Desde su inicio cu telefon fiho tradicional te cu e rednan digital avansa di awe, e trayectoria di SETAR ta refleha e confiansa di e comunidad di Aruba y e compania su compromiso pa progresa y transforma nos isla den un sociedad moderno y conecta. Como compania, SETAR a inverti mas cu 1 miljard florin den 40 aña di SETAR.
Mientras cu e aniversario aki ta honra e fundeshi fuerte, e enfoke di e celebracion di 40 aña di SETAR ta primordialmente riba e futuro. Dialuna 2 di februari 2026, SETAR a celebra su 40 aña cu un anuncio special pa e comunidad di Aruba. Durante e conferencia di prensa, Director di SETAR, Sr. Roland Croes, a anuncia aumento di speed minimo di 400 Mbps pa tur nos clientenan residencial cu paketenan regular entrante 2 di februari 2026. Nos clientenan corporativo lo wordo acerca apart durante aña pa e aumento di speed.
PA 2027 TUR CAS POR TIN FIBEROPTICS
Importante pa remarca ta cu SETAR ta avansando pa un red di 100% Fiber, creando e base pa capacidadnan mas halto y low latency necesario pa servicionan digital di e proximo generacion como tambe speednan di Internet mas halto y transferencia di data sigur. E conectividad di Fiber lo respalda casnan mas smart, companianan mas competitivo y e crecimento economico digital di nos isla. Na 2027, SETAR lo pasa tur household incluyendo tur negoshi te na esun di mas chikito. E ora SETAR lo ta ful Fiber, cu e posibilidad pa conecta tur hende cu kier Fiber.
SETAR TIN 5G na ARUBA
Ademas, SETAR ta anuncia oficialmente cu SETAR tin 5G na Aruba, e proximo generacion di conectividad mobil. Actualmente mas cu mita di nos clientenan tin conexion di 5G caba. Diseña pa ofrece speednan mas halto, ultra-low latency y mas capacidad, e tecnologia di 5G lo habri posibilidadnan nobo den innovacion, solucionnan pa compania y aplicacionnan digital avansa.
PREPARANDO PA TA CLA PA INTELIGENCIA ARTIFICIAL
SETAR ta expandiendo su rol tambe como proveedor di servicionan digital y IT, ofreciendo solucionnan sigur, scalable y future-ready pa companianan, institucionnan y organisacionnan gubernamental. Door di combina conectividad, plataformanan cloud-based, automatisacion y hermentnan basa den AI, SETAR ta impulsa e transformacion digital di Aruba mas a leu di telecomunicacion tradicional.
DONACION DI MEI MIYON NA COMUNIDAD
Banda di tecnologia, SETAR ta inverti y duna bek tur aña na nos comunidad den forma di sponsorship y donacion na actividadnan y proyectonan rond nos isla den e area di Educacion, Cultura, Deporte y Social. Pa celebra 40 aña, SETAR a añadi mey miyon extra na su budget di donacion pa aporta na causanan cu ta haci un diferencia den nos comunidad y ta traha na bienestar di nos isla.
SETAR ta gradici Aruba pa 40 aña di confiansa y conexion y ta reafirma su compromiso cu Aruba: sigui inverti den un infrastructura cu ta future-proof, sigui innova y sigui empodera nos isla cu tecnologia cu ta conecta personanan, impulsa crecimento y crea oportunidadnan pa e futuro generacionnan.
Aruba y Corsou sugeri como destinacion mas amigabel pa LGBTQ mericano
MIAMI/ ORANJESTAD – Pafo di Merca, expertonan di biahe ta recomenda varios destinacion pa parehanan LGBTQ+ cu ta bay luna di miel. Den Caribe, e fundador di Paradise Weddings, Jason Wright ta señala Aruba como un opcion memorabel pa parehanan, den e portal conoci Travelpulse. “Aruba ta uno di e islanan mas amigabel pa LGBTQ den Caribe,” el a bisa. “Matrimonio entre hende di mesun sexo ta legal, eventonan di pride ta wordo celebra y e oficina di turismo ta promove inclusion activamente. E ta perfecto pa parehanan cu kier beyesa caribeño pa nan luna di miel.” Su hotelnan preferi aya ta e hotel solamente pa adulto Bucuti & Tara Beach Resort y Renaissance Wind Creek Aruba Resort.
Lotto: Aruba por conoce su prome miyonario nobo pa 2026 awe
En conexion cu Dialuna di Carnaval, dialuna no tin sorteo di Lotto
Tin interes creciente pa Starlink pa Aruba, pero su efecto por ta limita
ORANJESTAD – Na Aruba e interes pa uso di e servicio di internet remoto Starlink ta creciendo. E forma di opera, compara cu sistema satelital tradicional,ta hacie interesante pa hopi isla. E ta traha diferente haciend’e un solucion efectivo pa area caminda no tin infrastructura di cable of fibra optico. Pero, segun director di SETAR, Roland Croes na Noticiacla, SETAR mes tin Aruba cubri totalmente pues e efecto pa uso remoto di internet ta casi nulo. Consecuentemente, e pensamento cu Starlink ta un bon reemplaso, no tey.
Lotto Aruba: Awe abo por ta e prome miyonario di Aruba pa 2026!
Croes: E producto di celular WOW a establece existencia di SETAR tempo di su tempo
ORANJESTAD – Durante su 40 aña di existencia, e compania di telecomunicacion SETAR, a produci centenares di Proyecto, product y cada uno tabatin su merito. Pero, riba pregunta reciente di periodista Tito Laclé na e director Roland Croes durante e programa Noticiacla LIVE, si tin un producto, cu a tipifica e compania y a pone riba e mercado, e contesta tabata, e product WOW. E servicio di telefon cu por a manda potret via telefon cellular pa otro cellular. Algo cu awendia ta algo ‘normal’. Esaki, segun e director Roland Croes, tabata un ‘game changer’ y cu a establece e existencia di SETAR na comienso di existencia di e compania. Asina e director a bisa e siman aki durante e programa Noticiacla LIVE.
Follow NoticiaCla
