Mas cu trinta studiante di EPI riba pasantia na Europa via Erasmus+

ORANJESTAD – Mas cu trinta studiante di Colegio EPI a sali den ultimo dianan pa Europa pa haci pasantia den cuadro di e programa Erasmus+. Den total ta trata di 34 studiante cu lo viaha pa varios pais, entre nan Irlanda, Belgica y Espana, pa gana experencia practico.

Ta trata di studiante cu ta gradua, cu ya tin experencia di trabou, cu via di nan pasantia den exterior no solamente ta gana conocemento nobo, pero tambe lo hiba e experencia ey bista atras pa Aruba. E intercambio internacional ta posible gracias na colaboracion cu IBERO y e programa Erasmus+, pa cual Colegio EPI ta acredita.

EPI ta participa den Erasmus+ desde 2005, cu un esfuerzo renoba desde 2018. Na 2020 a tuma luga e prome proyecto grandi, ora cu studiante a wordo manda pa haci pasantia na Dresden.