Rob Jetten (D66) ta bira e proximo prome minister di Hulanda

DEN HAAG - Lider di D66 y prome minister designa Jetten a sali ayera hunto cu lider di VVD Yesilgöz y lider di CDA Bontenbal, y a conta cu e tres partido a yega na un acuerdo riba linianan principal. Jetten ta bira e prome prome minister hulandes, cu ta homosexual. Algo cu e la bisa di ta hopi orguyso di dje.  “Nos tin hopi entusiasmo pa cuminsa cu e trabou,” Jetten a bisa. Diabierna e tres partido lo presenta e acuerdo completo, y segun Jetten tabata cla cu a wordo haci escohimentonan claro. E ta trata di temanan manera seguridad nacional y internacional y mas casnan pagabel. Lo wordo inverti hopi den defensa, segun Jetten a declara, y e intenshon tambe ta pa “no pasa e cuenta pa generacionnan futuro”. E tres tin entusiasmo pa traha hunto entre nan mes, pero tambe den cooperacion cu e otro partidonan.