Hulanda tin su gobierno nobo! Gabinete minoritario D66-VVD-CDA

DEN HAAG – Casi 3 luna despues di e eleccion di Tweede Kamer na HuUlanda, e negociadornan di  partidonan politico hulandes D66, VVD y CDA a yega na un acuerdo riba e puntonan principal. Riba e temanan grandi, e tres partido a tuma decisionnan importante, aunke tin ainda algun detaye chikito cu mester ser ajusta. Mas tardi e siman aki, segun expectativa riba diabierna, lo presenta un acuerdo di gobernacion cu acuerdo contenido. E ora ey lo bira cla unda nan kier gasta mas placa y unda lo gasta menos den e añanan cu ta bin.

E lidernan di partido y nan segundantnan a hasi acuerdo den e dianan pasa riba, entre otro, inversionnan y recorte di gasto. Esaki no ta “solamente suma y resta”, segun cu lider di CDA Henri Bontenbal a bisa e fin di siman pasa. “Aki tambe tin decisionnan politico cu ta forma e base di tur esaki.”