Aplicacion pa ayudo financiero pa proyectonan den cuadro di e Programa di Participacion di UNESCO 2026-2027

(ADVERTORIAL) 

Comision Nacional di UNESCO Aruba ta invita NGO’s y particularmente organizacionan cu ta traha cu hoben, di cua nan area di trabao ta cay bou di e mandato di UNESCO, pa aplica pa financiamento di proyecto den cuadro di e Programa di Participacion 2026-2027.

E Proyecto mester ta relaciona cu promocion di: educacion; ciencia; cultura, comunicacion &  informacion. Lo duna preferencia na proyectonan cu tin un balor agrega pa Aruba como un “Small Island Developing State (SIDS),  cu tin un caracter interdisciplinario, cu tin como meta igualdad di genero y/of cu ta promove participacion di hoben den comunidad.

Financiamento maximo pa cada proyecto ta US$26,000, y por solicita pa cubri gastonan pa:

Servicio di experto ( ta exclui gasto di personal y gastonan administrativo).

Publicacion, revista, documentacion, traducción y interpretacion, gastonan di biahe di participante ( cu excepción di gastonan di personal di UNESCO).

Seminario, webinars y training.

Beca pa estudio of beca pa investigacion. 

E decision pa aproba un proyecto ta tuma luga na UNESCO Paris. Mester manda e aplicacion  completo na Ingles y den forma digital prome cu 5 februari 2026 riba email: info@unesco.aw.                    

Pa e formulario (digital) cu tur instruccion mester tuma contacto cu secretariado di Comision Nacional di UNESCO Aruba na  528-3472  -  info@unesco.aw