Maria Machado di Venezuela a duna Donald Trump su Premio Nobel

WASHINGTON - Ora lider oposicion di Venezuela Maria Corina Machado a drenta den Cas Blanco diahuebs, e tabata trece un regalo cu presidente di Merca Donald Trump tabata desea hopi tempu: un Premio Nobel di Paz. Machado, un critico fuerte di ex-lider Nicolas Maduro, a gana e premio aña pasa pa su campaña pa mas democracia. Awor e la trece e medaya na Cas Blanco sperando cu e gesto por cumpra algo hopi mas balioso: Apoyo di Merca den su lucha pa tuma mando di Venezuela despues di Maduro. Pero si e tabata pensa cu e regalo lo a empuha e presidente pa duna un apoyo mas claro, ta parse cu e lo mester warda — pa awor.

Despues, nan a publica   un potret cargando un tas di regalo marca Trump saliendo for di Cas Blanco — sin claridad tocante su futuro politico. Un potret publica dor di Cas Blanco ta mustra Trump banda di Machado, cu un placa pa pone riba muraya, conteniendo e medaya y e dedicacion: “Presenta manera simbolo personal di gratitud den nomber di pueblo Venezolano, reconociendo accion principial y decisivo di Presidente Trump pa  sigura un Venezuela liber.” “Maria a presenta mi cu su Premio Nobel di Paz pa e trabou cu mi a haci. Un gesto maravilloso di respeto mutuo,” Trump a post riba Truth Social.

Centro Nobel di Pas den Oslo a aclara directamente cu medayanan no por wordo comparti ni transferi.