Dumfries ta comparti despues di ‘operacion inevitabel’ bon notisia pa rumbo Mundial

AMSTERDAM – E hungador professional di futbol cu lazo arubiano, Denzel Dumfries a duna un actualisahe larg riba LinkedIn, unda e a bisa cu e ta bolbe mas lihe cu a spera despues cu e la sostene un operacion  na su bandanan di enkel aña pasa. E la sigui hunga cu e herida pa un tempo largo. Segun e, den prome momento e a pensa: “E lo pasa mesora”. Asina e hungador seleccion Hulandes ta bisa tocante e partido di Internazionale contra Lazio na november, ora un oponente a cay riba su enkel y e a lesiona.

“Mi a purba soporta y sigui traha. Pero despues di algun siman tratando laga e sanamento bin naturalmente, mi a comprende cu algo no tabata bon. E no tabata sinti bon y no tabata pasa so. Di e motibo ey un operacion na mi enkel tabata algo cu no por evita.”