Dowers: Aruparking lo takel auto di esnan cu a surpasa ora di parkeer

ORANJESTAD – Autonan cu a pasa nan ora di parkeer paga, por haya nan mes mal sirbi door di haya nan auto getakeld, y cu tin cu cubri tur gasto di esaki. Minister encarga cu husticia, y bou di cual ta cay tambe Aruparking, Arthur Dowers, a duna un briefing cortico dialuna riba e situacion aki. Segun e mandatario, durante e ultimo 3 lunanan, a parti 375 multa pa esnan cu tabata parkeer robez tur caminda. Y a takel 150 auto cu tabata stroba trafico, creando un peliger. 

TAKEL AUTO

E accion a causa cu mas hende a cuminsa paga atrobe pa parkeer den Oranjestad, pero cu tin hopi cu no ta cumpli despues ora cu e pago aki vence. A splica cu Aruparking tin e posibilidad pa klem auto y despues takel esaki ainda. Pero a para e klemmento di auto, pero e parti di takel si ta continua. “Den e simanan cu ta bin, no keda sorpresa si na momento cu bo a laga bo auto mas cu dos ora para sin paga, cu Aruparking lo laga takel esaki, y e costonan ta bin pa bo cuenta” e minister a bisa. E la sigura tambe cu den e dianan cu ta bin, lo tin mucho mas informacion den prensa riba e reglanan di Aruparking.