Venezuela a anuncia liberacion di varios preso politico riba orden di Merca

WASHINGTON / CARACAS - E presidente di Parlamento Venezolano a anuncia cu un “cantidad considerabel” di preso lo wordo libera pero no kier a bisa di ken tur ta trata.  Segun e, e liberacion ta den marco di “un gesto”. E presidente ta e ruman di lider interino Delcy Rodríguez. Foro Penal, organisacion di derecho humano den Venezuela,a  señala cu algun preso ta “na caminda pa su libertad”. Den esakinan mester tin tambe preso stranhero. Segun e organisacion, fin di aña pasa tabatin 863 preso político den pais. Alfredo Romero, direktor di Foro Penal, a bisa den un video cu nan tin confirmacion cu preso ta wordo libera for di dos prison famosamente duru manera El Helicoide y El Rodeo. E la pidi pueblo pa no hasi circulacion di informashon sin verifica, pasobra tin liberacion cu ta wordo nombra riba red pero ainda no a tuma lugar. Romero ta sigui pidi pa libera tur preso.

CIUDADANONAN SPAÑO

Un di e persona cu ta libera, segun report, ta Rocío San Miguel, abogado y aktivista prominente. E la wordo detene casi dos aña pasa y tabata desapareci pa diez dia. Despues e tabata na El Helicoide. Awo segun su ruman, San Miguel ta den Embahada di España na Caracas. E tin doble nacionalidad: spaño y venezolano.