Colega di prensa Gina Werleman a bay sosega

ORANJESTAD – Conocido comerciante y ciudadano Leopold ‘Leo’ Laclé (84), a bay sosega diasabra mainta 27 di December 2025. E tabata conoci como un ferviente amante di deporte y pa hopi aña como propietario di entre otro e negoshi popular di huur video y dvd di pelicula, Aruba Video Center, a sa di patrocina e ekipo di baseball double a di e mesun nomber cu a logra varios titulo nacional. Riba tereno di seguro, tambe e tabata hopi conoci y tabatin e broker Nos Seguro tambe pa hopi aña. E ta bay laga atras su casa ‘Deta’, su yiunan y nietonan. Noticiacla ta manda palabra di condolencia y forza. Cu Leo sosega na paz.  

ORANJESTAD – Despues di un enfermedad cortico, conocido colega den prensa, principalmente den e mundo di deporte di auto di careda, y comerciante propietario di e bar na Madiki, Manuelito’s, Manuel Da Silva a bay sosega diasabra. E tabatin varios dia ta lucha intensamente den hospital, y a haci tur loke tabata por a haci. Diabierna anochi ainda, e la ricibi un mensahe di sosten di Noticiacla. Pero ya diasabra durante dia, e noticia a bira conoci cu Manuel a bay sosega. Un colega hopi aprecia, unico den su estilo, tanto den locuta, transmit y crea ambiente. Pa hopi aña, Manuel a bira e cara di un evento popular cu tabata conoci como Hebbe Hebbe.  Y despues a cambia di nomber. Te na ultimo, Manuel tabata presenta su programa Trot den Bom na e emisora Power FM, tur diaranson atardi. Na September ainda, Noticiacla tabata invitado di e programa. Noticiacla ta manda palabra di profundo condolencia na famia di Manuel, especialmente su yiu muhe Shohaira y demas famia. Cu amigo Manuel, sosega na paz. 

ORANJESTAD – Mundo periodistico y di deporte ta di luto. Diabierna atardi a drenta tristo noticia cu colega den prensa, Hubert “Furai’ Thiel a bay sosega. Den siman caba tabata teme pa su bida, y a pidi pa reza p’e. Pero finalmente Dios diabierna a tume den su reino. Hubert tabata un colega di prensa hopi stima, pa tur, y sigur pa Noticiacla. Semper cordial, trankil, trahando pa e matutino diario, y tabata un ferviente amante di deporte di drag y tabatin su propio pagina di drag. Noticiacla ta manda palabra di profundo condolencia na famianan di Hubert. Colega, sosega na paz!. 

ORANJESTAD – Un pionero di Aruba su turismo, Dr. Roderick "Rory" G. Arends a bay sosega awe mainta.  Riba su pagina di Facebook tabatin e siguiente mensahe: Dr. Roderick "Rory" G. Arends a tuma su ultimo rosea awe mainta. E la stima hopi, y e la desea di biba mas hopi, lamentablemente su curason no a duna pa mas'. E tabata un di e directornan di turismo di Aruba pa hopi aña.  Noticiacla ta manda palabra di condolencia na su famianan. Noticia den proceso. 

ORANJESTAD – Diabierna merdia a drenta e lamentable noticia cu conocido colega den prensa Johnny ‘Django’ Simmons, a bay sosega, na edad di 79 aña. Pa hopi, e tabata un colega cu experiencia, mentor y bon amigo. E la traha cu varios medio, pero esun mas largo, tabata como redactor di Diario. Noticiacla ta manda palabra di forza pa su famianan. Cu ‘Django’ sosega na paz. 

Noticiacla announces the passing away of