Colega di prensa Gina Werleman a bay sosega

ORANJESTAD - Colega di prensa Gina Werleman a bay sosega den forma repentino na edad di 59 aña. Noticiacla a compronde cu e la fayece di un atake di curason na su cas. E la traha pa hopi aña como fotografo na matutino Diario y tabata casa cu Robby Burleson cu tambe tabata periodista y e la fayece algun aña atras. Gina semper tabata un colega contento y alegre. Noticiacla y su cas editorial Wired Media ta manda palabra di condolencia na famianan di e fayecida. Cu Gina sosega na paz. Gina ta bira e di tres periodista cu ta fayece den menos cu 3 luna. Na November di aña pasa, periodistanan Hubert Thiel y Manuel da Silva, ambos den e ramo di deporte, tambe a fayece.