- Le Lanchon: Gaia House of Grill ta Aruba su ‘upscale’ restaurant mas nobo di Aruba
- Prijs di gasoline ta habri aña cu un reduccion considerabel diaranson
- Cantante Julio Iglesias (82) acusa di violacion y explotacion di empleadonan hoben
- Tres shen studiante caribeño lo ricibi guiamento adicional pa nan estudio na Hulanda
- Rey Willem-Alexander: ‘Hulanda y Corsou lo yega leu na Mundial’
Fayecimento di Hushang Ansary tin consecuencia pa proceso legal cu ta andando
WILLEMSTAD.- Centrale Bank van Curaçao en Sint Maarten (CBCS) a indiká ku fayesimentu di Hushang Ansary lo tin konsekuensia pa e prosesonan ku ta andando den korte. Ta spesífiko e kaso sivil den apelashon kontra di Ansary i su grupo.
CBCS a indiká ku pa loke ta trata e prosesonan ku ta andando, CBCS ta sigui ku e pasonan pa rekuperá e daño ku Ennia a sufri.
Abogado di Sr. Ansary a informá Korte Komun di Hustisia di su fayesementu. A base di esei, Korte a suspendé e proseso di responsabilidat (aansprakelijkheidsprocedure) sivil ku ta andando kontra persona di Sr. Ansary, en espera di e notifikashon tokante ken lo asumí posishon di Ansary den e proseso. Unabes risibí e notifikashon akí, e proseso por sigui.
Por sierto, e proseso di responsabilidat sivil no ta dirigí solamente kontra persona di Sr. Ansary, sino tambe kontra mas partido, entre otro, un entidat hurídiko ligá na Sr. Ansary. E fayesementu di Sr. Ansary no ta afektá e posishon hurídiko di e partidonan akí.
CBCS ta keda komprometí pa rekuperá e daño ku Ennia a sufri, i lo sigui tuma e pasonan nesesario den e direkshon ei pa protegé e interesnan menshoná. Ku e meta akí, CBCS ta sigui demandá daño i perhuisio for di Ennia su direktor- i akshonistanan di e periodo en kuestion, i si ta nesesario, tambe for di nan susesornan hurídiko.
Aparte ku Hushang Ansary ku tabata e propietario di Ennia ku tabata un dje personanan ku Ennia a demandá, tin tambe su yu muhé Nina Ansary, i eks tòpnan di Ennia, kendenan ta Ralph Palm, Gijsbert van Doorn i Abdalla Andraous. Henter e “grupo” di personanan aki a bai korte di apelashon kontra e sentensia di korte di promé instansia, kaminda tin di paga bèk alrededor di 1 miar florin ku a saka for di e parti di penshun di Ennia.
CBCS ta ekspresá su kondolensia na su famia i konosínan di Ansary. NOTA: Texto ta scirbi den papiamento fonetico di Corsou.
Corte na Marocco a confirma castigo di pena di morto pa dos yiu di Corsou
MARRAKECH.- Ayera korte na Marrakech, Marokko ta konfirmá kastigu di pena di morto pa dos kurasoleño pa kaso di asesinato den e pais. E konfirmashon dje kastigu a tuma lugá ayera. Ta trata dje dos hòmbernan Shardyone S. (34) i Edwin R.M. (30). E dos yunan di Kòrsou a keda aserká i pagá pa sali for di Hulanda i bai te Marokko pa mata un hende riba enkargo. Nan a bai na e sitio unda e hende ku nan mester a mata tabata. Sinembargo, ora nan a yega, nan a basha bala riba hende robes. Pasobra e persona ku nan mester a mata, tabata sintá na mesun sitio dje víktima, pero el a lanta bai basta ratu. E víktima a resultá di ta un hóben ku tabata huntu ku su amigunan, i ta yu di un wes na Marokko.
Gabinete Pisas a pidi retiro di dos di su ministernan di su gabinete
WILLEMSTAD – E liderato di partido MFK a pidi cu ministro Kimberly Lew-Jen-Tai y ministro plenipotenshario Carlson Manuel pone nan funcionan abou. No ta conoci si ta temporario pero por lo menos un medio ta usa e palabra ey ‘temporariamente’. Ademas esaki tambe ta poni den e comunicado di prensa di MFK, firma pa lider politico Gilmar Pisas y presidente di partido Sithree van Heydoorn.
Denuncia di corupcion na Cas di Corsou na Hulanda y Gev.Min, no a yega OM ainda
WILLEMSTAD - Te ainda e denunsia kontra di korupshon na Kas di Kòrsou i minister plenipotensiario Carls Manuel, no a yega na Ministerio Públiko (OM). Esaki ta loke ku bosero di Ministerio Públiko sr. Roderick Gouverneur a duna di konosé na EXTRA.
Cadena hotelero Sonesta ta bolbe traha hotel na Corsou
WILLEMSTAD - Sonesta International Hotels Corporation a anuncia un acuerdo pa construí un hotel nobo di Sonesta na Corsou cerca di Jan Thiel Beach. E propiedad nobo ta spera pa drenta den e portafolio di Sonesta den segundo cuartal di 2026. "E hotel ta amplia meta di Sonesta pa tene un presensia mas grandi den Caribe," segun Keith Pierce, EVP y Presidente di Franchise y Development na Sonesta. "E acuerdo aki ta mustra ultimo paso di Sonesta na Corsou y ta refleha compromiso pa sigui amplia den Latin America y Caribe." "Nos ta emociona pa amplia presencia di Sonesta riba isla bunita di Corsou, fortalece e portafolio y nombra den un destinacion hopi buska," a agrega Pierce.
Curacao Medical Center ta nombra director medico nobo
WILLEMSTAD – Curacao Medical Center (CMC) a nombra Ludmilla Garmers como director medico nobo. Despues di un proceso di seleccion largo, Garmers, cu ta original di Curacao, ta bolbe su isla pa pone na servicio su experencia den formacion medico, maneho di hospital y cuido agudo pa fortalece sector di salud local. Garmers tin hopi aña di experencia den salud. E tabata hefe di departamento di Anestesiologia y Maneho di Dolor, a tene diferente posicionnan di liderazgo den hospitalnan y tambe a dirigi organismo di mediconan specialisa.
Pisas: Corsou no ta hasi ningun exprecion p’e forma con Merca a captura Maduro
WILLEMSTAD - Corsou ta sigui Hulanda, i no ta hasi ningun ekspreshon rondó di e kaptura di presidente Venezolano, Nicolas Maduro, dor di Merka. Esaki ta loke ku promé minister, Gilmar Pisas, a duna di konosé na prensa. Djasabra mardugá Kòrsou i mundu a keda di shòk dje akshon di Merka, ku a drenta Venezuela i a kapturá e presidente dje pais.
Follow NoticiaCla
