Un parti di L.G. Smith Boulevard lo bira entrante awe Henny Eman Boulevard

ORANJESTAD – Un parti di L.G. Smith Boulevard na Oranjestad ta carga desde awe e nomber Henny Eman Boulevard. Gobierno Arubiano a tuma e decision aki riba peticion di Stichting Henny Eman. E revelacion oficial lo tuma luga awe mes, precies un aña despues di fayecimento di Henny Eman. E parti di caminda cu a wordo renombra ta core for di rotonde di Mahuma te na e rotonde na Sun Plaza, unda Avenida Nelson Orlando Oduber ta cuminsa. Cu e cambio di nomber aki, e gobierno kier honra di un manera permanente Jan Hendrik Albert Eman, e prome minister-presidente di Aruba y un figura clave den e formacion di e estado Arubano moderno.

SELECCION CONCIENTE

Segun e iniciadornan, e seleccion di e parti  specifico di e boulevard a wordo haci conscientemente. E caminda aki ta refleha na varios punto e desaroyo administrativo y economico di Aruba den e periodo cu Henny Eman tabata duna direccion na e pais. A lo largo di e boulevard por mira claramente e surgimento di e sector turistico moderno, un sector cu bou di su liderato a crece te bira e pilar economico mas importante di e isla.