Aeropuerto di Aruba lo procesa mas di 16 mil pasahero diadomingo

ORANJESTAD – Aeropuerto di Aruba lo procesa mas di 16 mil pasahero awe diadomingo. Esaki ta consecuencia entre otro di e situacion cu a surgi diasabra a consecuencia di e invacion di Merca na Venezuela pa saca e presidente y su casa. SItuacion insigur a pone mayoria di aeroliña mericano y europeo cancela nan buelonan loke inicialmente mester a bira un ‘super diasabra’. Esaki a traduci awor pa un ‘super diadomingo’, cu 68 buelo drentando y saliendo, y 10 buelo extra pa asisti esnan cu a keda pega sea na Aruba of exterior.

BUELONAN EXTRA

Varios aeroliña mester a añadi un extra buelo pa por atende cu pasaheronan cu a keda pega. Entre nan, tin Avianca, Winair, United Airlines, Sun Country Airlines y West Jet cu 1 buelo extra. American Airlines y Southwest Airlines mester a pone 2 buelo extra cada un. 

CANCELACION Y RETRASO

Tambe tabatin buelonan cu a keda cancela pa awe, y algun cu retraso. 

ENTRADA

Pa un pasahero por drenta terminal di aeropuerto, e mester tin un buelo confirma, y ta conseha pa esnan cu no tin buelo confirma, pa no bin.