Minister Wever a interveni pa soluciona problema cu container pa Aruba

ORANJESTAD - Minister Geoffrey Wever a interveni pa soluciona problema pa drenta mercancia pa Aruba. Manera cu noticiacla a raporta anteriormente, a surgi un problema serio cu e unico compania cu ta provee carga pa Aruba. Y tambe a raporta cu tabata buscando intervencion di minister pa soluciona esaki. Y noticiacla a logra haya e reaccion:” Mi a tuma nota di preocupacion cu ta reinando cerca nos importadornan tocante e situacion unda cu e unico compania cu  ta provee Aruba cu mercancia ta confrontando problema logistico” e mandatario a cuminsa bisa. “Mesora nos a dicidi di reuni cu representantenan di Douane y den consulta cu Douane a dicidi di acepta e “ Bill of Lading” skirbi na man, cu un stempel, pa asina Douane por calcula e gastonan y impuestonan correspondiente pa e mercancianan por drenta Aruba. Tambe Douane lo  habri portanan di waf dia 24 di december entre 9AM cu 3.30PM pa importadornan por saca containernan frieuw” e mandatario a sigui bisa. “Mi ta gradici cuerpo di Douane pa nan cooperacion y profesionalismo pa trece un solucion rapido pa e desafio cu a surgi”.