Buelonan di charter di Corendon pa Houston pa wak Corsou hunga mundial a ‘sold out’

WILLEMSTAD - Ayera for di 11or di mainta na Capital C, Corendon a kuminsá ku benta di su paketenan pa por bula bai wak wega di selekshon di Kòrsou. Corendon a ofresé paketenan ku ta inkluí buelo, hotèl i transporte di aeropuerto pa hotèl, pero tambe buelo so ayera na pueblo di Kòrsou. Esaki a bai sumamente bon manera, Corendon ta informá. Tabatin hendenan presente for di oranan di mainta, pa asina nan por ta entre e proménan pa por kumpra pakete.

E seis buelonan pa bai wak e promé wega di Kòrsou den Mundial kontra Alemania riba 14 di yüni, ya ta ‘sold out’, asina Corendon ta konfirmá. Mirando esaki a opta pa traha un lista di espera ku ya kaba tin mas o ménos 100 hende riba dje. Corendon den e siguiente dianan lo bai wak ku esaki lo sigui yena, pa asina por agregá un buelo mas pa bai wak e promé wega di Kòrsou den un Mundial.

Miéntras pa loke ta trata e paketenan pa e Kansas City i Philadelphia, esakinan tambe ta bayendo bon.