Indice di confiansa di e consumidor arubiano a baha den e tercer trimester di 2025

ORANJESTAD -  Banco Central di Aruba (BCA) a conclui e Encuesta di Confiansa di Consumidor pa e tercer trimester di 2025. E encuesta di confiansa di consumidor ta evalua e percepcion economico di e consumidor local. Consumidornan a keda pesimista, mirando cu e Indice di Confiansa di Consumidor a baha na 92,8 den e tercer trimester di 2025 

E Indice di Habito di Consumidor a baha cu 3,3 punto di indice te na 93,5 durante e tercer trimester di 2025. E Indice di Situacion Actual y e Indice di Expectativa a baha den e di tercer trimester di 2025 cu 1,9 punto di indice te na 92,4 y 1,6 punto di indice te na 93,1, respectivamente. Mientrastanto, e Indice di Expectativa di Prijs a keda igual na 90,2 durante e tercer trimester di 2025 (mira Grafico 2).

Prijsnan mas halto den e proximo 6 lunanan ainda ta keda un preocupacion grandi pa e respondentenan, como cu 90% di consumidornan ta premira cu den e siguiente 6 lunanan prijsnan lo ta mas halto, cual ta un punto di porcentahe menos compara cu e segundo trimester di 2025. Respondentenan cu a indica cu nan por “cumpra menos cu nan entrada compara cu 6 luna pasa” a subi cu 4 punto di porcentahe te na 92% den e tercer trimester di 2025. Pa locual ta e respondentenan cu a expresa cu nan ta spaar menos, esaki a crece cu 11 punto di porcentahe te na 46% den e tercer trimester di 2025. 

E relato completo di e Encuesta di Confiansa di Consumidor ta disponibel ariba website di BCA www.cbaruba.org