Buelo di KLM di Aruba pa Hulanda cancela debi cu tabatin djaka abordo

ORANJESTAD -Biaheronan riba KLM a keda pega na Aruba diaranson, debi cu un djaka tabata abordo. E aeroliña a confirma esaki. Esnan cu a keda afecta, a bisa cu nan tabata cla pa subi abordo na Aruba, ora cu e capitan a bisa cu e avion no por a Sali, pasobra a mira un djaka abordo. A dicidi di continua e buelo pa Bonaire cu pasaheronan di Hulanda pa Bonaire so. No ta conoci kico a pasa cu e djaka despues.