Na Hulanda, den apelacion tampoco tin cadena perpetua pa e asesino di Peter R. de Vries

AMSTERDAM - Tampoco den apelacion e principal sospechosonan tras di e atake mortal contra e periodista hulandes di crimen Peter R. no a wordu condena na cadena perpetua manera Ministerio Publico a pidi. Pero nan a ricibi atrobe castiganan di prizon hopi largo. E hof den Amsterdam a condena tirado Delano G. y e chauffeur di e auto di fuga Kamil E. na 27.5 aña di prizon. Organizador Krystian M. a ricibi 26 aña y un luna. E castigonan casi no ta diferente for di esnan cu e tribunal a pone riba nan prome. Den total, nuebe persona a wordu husga awe den e tribunal extra sigura na Schiphol. Ministerio Publico a bay den apelacion contra tur e sentencia nan.

PROCESO DI LIQUIDACION

De Vries a wordu tira riba 6 di juli 2021 cerca di Leidseplein den centro di Amsterdam, despues cu e a bishita e studio di TV di RTL Boulevard. Nuebe dia despues el a fayece debido na su heridanan.