Netflix ta trahando riba documental tocante desaparicion di Natalee Holloway

LOS ANGELES – E gigante di streaming, Netflix ta trahando riba un documental tokante desaparicion di Natalee Holloway. Den e serie di tres parti, e mama Beth Holloway ta conta, segun Netflix, “pa prome bez, e historia completo”. E documental ta inclui entrevista cu investigadornan y grabacion cu nunca a wordo mustra prome. Tambe tin audiomaterial di famia Holloway, amigonan y FBI. Natalee Holloway a desaparece ( e relato ta papia di mata:red) na 2005 na edad di diesocho aña riba Aruba door di hulandes Joran van der Sloot. Holloway tabata na Aruba pa vacacion pa celebra su graduacion hunto cu su amiganan di scol. Despues di un anochi di sali, e no a bolbe su hotel.

Van der Sloot a sostene pa hopi aña cu e tabata inocente, pero diesocho aña despues di su morto e a confesa culpa. E la haci esaki den intento pa un reduccion di castigo den un caso di extorsion. E hulandes ta sinta den prizon actualmente den Peru, unda e ta cumpliendo un castigo pa a mata un muhe di 21 aña na Peru.

Danielle Sloane y Matthew Galkin ta dirigi e serie documental nobo di Netflix. Sloane ta conoce entre otro pa The Menendez Brothers, y Galkin pa Murder in Big Horn.