Hof a para apelacion di Embassy Suites den caso contra ABC pa traha beach

ORANJESTAD / WILLEMSTAD –Gemeenschappelijk Hof di Hustisia a tuma decision diamars den e caso sumario entre Embassy Suites (Natura Development N.V.) y Aruba Birdlife Conservation (ABC) tocante desaroyo di un beach pa e hotel. Segun e sentencia, Natura no tin mas interes pa sigui e apelacion, pasobra e proceso administrativo pa e obra y e permiso di exoneracion ta corre normal y ta tene su propio caminda di ley.

E PROCESO

Segun e caso,  ABC tabata contesta cu e trabou pa crea un beach, ta elimina yerba marino proteha y por pasa solamente cu permiso  special. Un huez a para e obranan ey y Natura a bay den apelacion. Pero Hof a bisa cu e huez den e caso civil no mester tuma mas documento mientras cu e via administrativo ta habri pa soluciona e asunto. Natura ta den procedimento di exoneracion y mester warda esei pa un decision final. Y pa e motibo aki, apelacion den e caso sumario no tin sentido mas.  Corte a agrega cu si Natura ta desea sigui cu trabounan pa un beach den futuro, e lo mester pidi un permiso nobo y si e permiso ta nega, tin opcion di recurso administrativo.

CONCLUSION DI E SENTENCIA

Conclusion di e decision ta cu  apelacion di Natura a wordo rechaza y cu Natura mester paga gasto di procedimiento E caso di fondo  (bodem procedure) ta sigui su caminda den derecho administrativo. Pa e sentencia, click AKI.