Copa Airlines y Wingo tambe ta suspende vuelo pa Caracas

CARACAS - E aerolineanan panameño Copa Airlines y Wingo a suspende diaranson (03-12-2025) nan vuelo pa y for di Venezuela pa dos dia, mes manera otro ocho compania cu a cancela conexionnan cu Caracas despues di un alerta di autoridad aeronautico di Merca tocante un aumento den actividad militar den Caribe. Copa Airlines y Wingo tabata un di poco aerolinea internacional cu ainda tabata opera na capital di Venezuela, pese di e tensionnan cu ta aumenta entre Caracas y Washington.

E dos aerolinea a bisa anochi den comunicadonan separa cu: “Debido a intermitencia den un di e signalnan di navegacion di avionnan” raporta pa pilotonan, nan a tuma un “desicion preventivo pa suspende temporalmente vuelo for di y pa Caracas dia 4 y 5 di december 2025.”

Nan a agrega cu: “Nos ta sigui evalua e situacion y nos lo comparti mas informacion den siguiente 24 ora.” Copa Airlines a enfatisa den un comunicacion ku e situacion “na ningun momento a compromete seguridad operacional,” pero cu e media preventivo tabatin necesario. Aunke e aerolineanan no a relacionac directamente e desicion cu crisis entre Washington y Caracas, esaki ta yega na un momento crítico pa Venezuela, despues cu diasabra pasa presidente estadounidense Donald Trump a bisa cu espacio aereo di Venezuela mester wordo considera “completamente cera.”