Wever-Croes: Deadline a pasa y awor ta bay denuncia minister Gerlien Croes

ORANJESTAD – Partido MEP ta bay entrega keho contra minister Gerlien Croes, awor cu e deadline cu a pone p’e, a vence. Manera ta conoci, dos siman pasa e partido a pone un ultimatum (deadline) pa e mandatario, relaciona cu e biahe cu e la haci pa Corsou recientemente, usando un avion priva pa esaki. Segun MEP, ta kier sa di e minister con esaki a bay, y ken a paga pa esaki. Pasobra nan ta sospecha cu cosnan a bay fout y cu esaki ta bira castigabel. A duna e mandatario dos siman, sino lo a entrega keho contra dje. 

REACCION MEP

Awe mainta lider di e partido MEP, Evelyn Wever-Croes a confirma pa noticiacla cu e deadline a vence y cu lo bay actua. “E deadline ta awe. Ayera ya ta dos siman. Dus awe nos ta bai actua “ e lider politico a bisa.  Ora cu a puntra kico specificamente ta bay haci, e la bisa cu awe nan ta finalisa esey y hasi e analyse di tur info cu tin pa dicidi unda tur e kehonan ta bai y kiko nan ta encera. Keda pendiente pa e noticia aki den desaroyo. 

REACCION GERLIEN CROES

Tabata siman pasa cu e minister tabata den e programa Noticiacla LIVE y cu a puntre riba e tema. E la bisa cu e no a haci nada malo y cu e la enberdad biaha cu avion priva, pero cu e la paga esaki di su propio salario. Ademas e no kier a bay mas riba e tema.