- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
- Copa Airlines y Wingo tambe ta suspende vuelo pa Caracas
Situacion na Venezuela por tin consecuencia pa trafico di buelo pa e islanan ABC
DEN HAAG - Minister demisionario Frank Rijkaart di Asunto Interno y Relacionnan di Reino ta bisa cu e ta “tuma tur cos na cuenta” respecto e accionan di Merca rond Venezuela. Den e programa WNL Op Zondag, e ministro di BBB a bisa cu nos “no por pensa cu tur cos ta trankilo pa e islanan.” E ta referi na Aruba, Bonaire y Corsou cu ta cerca di Venezuela.
Pa awor e situacion ta trankilo riba e islanan, Rijkaart a bisa. “Pero nos ta wak cu wowonan habri na tur loke ta sosode ey.”
TRAFICO DI BUELO
Presidente di Merca Donald Trump a bisa cu e espacio aereo riba Venezuela ta cera, apesar cu e no tin autoridad riba esaki. For di e momento ey, riba websitenan di radar di buelo por wak cu no tin mas trafico aereo riba Venezuela. Esaki, segun Rijkaart, no tin efecto ainda riba e buelonanan pa e tres islanan den e parti caribeño di Reino. “No ta intencion cu e islanan ta wordo hala den plan di Trump,” segun e representante di BBB. E kier pa tur cos keda trankilo riba e islanan. Pero e situacion por tin consecuencia pa trafico di buelo pa Aruba, Bonaire y Corsou, segun e. “E islanan ta suficientemente cerca cu por mira tur movecion di e forza militar cu ta sosode ey.”
Buma: Cinco partido mester logra haya otro pa forma gobierno nobo hulandes
DEN HAAG - E cinco lider di fraccion di D66, CDA, VVD, GL-PvdA y JA21 lo sigui papia entre nan mes despues di e rondetafel cu informador Buma e wikend aki. Buma a bisa cu tabata un bon combersacion:“Pa mi tabata importante pa papia cu nan hunto, y mi a bisa cu desde e eleccion aki, tabata e prome bez cu nan tabata sinta hunto na mesa.”
Formacion di gobierno hulandes ta pega: Buma no ta mira mayoria ni minoria cu por gobierna
DEN HAAG - Formacion di gobierno hulandes ta tranca actualmente. Den Tweede Camera no tin niun combinacion di partidonan cu tin boluntad pa forma un coalicion cu mayoria. Un gabinete di minoria tampoco lo logra, pasobra no tin suficiente entusiasmo pa esaki. Buma ta kier reuni mañan cu cinco partidonan — D66, CDA, VVD, GroenLinks-PvdA y JA21 — den un charla conjunto pa mira con por bai padilanti. E la bisa cu e ta haci esaki pa preveni un impasse. E informador a papia durante dos dia pasa tocante e ‘documento intermedio’ cu D66 y CDA a scirbi bou di su direccion. E documento ey tabata un man extendi pa mira cual partidonan ta dispone pa hunto drenta na negociacion nobo pa scirbi un acuerdo di gobiernacion.
Hulanda no ta participa na Eurovisie Songfestival debi na participacion di Israel
HILVERSUM - Hulanda no lo participa siguiente aña den e Eurovisie Songfestival. Eso a wordo anuncia pa emisora AVROTROS, despues cu a bira conosi cu Israel no lo wordo excluí pa e organisador EBU. Segun NPO no lo tin otro emisora cu lo asumi e entrada Hulandes. Pero NPO lo garantisa si cu e evento lo wordo pasa pa publico Hulandes. E emisoranan publico Europeo a reuni awe den EBU na Geneve pa papia di futuro di Songfestival. AVROTROS i cuantro otro emisoranan (di Irlanda, Islandia, Spania i Eslovenia) a ceda pa exclui e emisora publico Israelí pasobra guerra den Gaza.
Rey Willem-Alexander preocupa cu e situacion den Caribe pa islanan ABC
DEN HAAG - Rey Willem-Alexander ta preocupa pa e situacion den area Caribe y pa e habitantenan di Aruba, Corsou y Bonaire cu e tension entre Venezuela i Mercay ta spera cu esaki rapidamente por disipa. „Nos ta sinti gran preocupacion pa loke ta pasa aya,” e rey a bisa na medionan Hulandes riba e ultimo dia di nan bishita estatal di tres dia na Surnam.
Personal di cabina di KLM a rechasa e propuesta nobo di CAO
SCHIPHOL - Vereniging Nederlandse Cabinepersoneel (VNC) tin critica fuerte riba e propuesta nobo di CAO (acuerdo colectivo di trabou) di KLM y ta yama esaki “inaceptabel”. Segun e sindicato, e propuesta ta diferente hopi for di loke tabata discuti anteriormente — motibo pa e VNC no kier acepta e propuesta y ta pidi un dialogo nobo.
Corte na Hulanda a absolve Marco Borsato di acusacion di abuso sexual cu menor di edad
DEN HAAG – E cantante popular hulandes Marco Borsato a wordo libera di abuso sexual. Segun tribunal na Utrecht, no tin prueba cu e cantante a toca tras, pechu y partinan intimo di un mucha muhe menor di edad. Ministerio Publico tabata pidi cinco luna castigo pa motibo di abuso sexual. Borsato semper a nenga tur acusacion.
Follow NoticiaCla
