- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
- Copa Airlines y Wingo tambe ta suspende vuelo pa Caracas
Minister Gerlien Croes: A bula den avion priva pa Corsou pero a paga esaki di su salario
ORANJESTAD – Diahuebs anochi, den e programa Noticiacla LIVE, minister Gerlien Croes a confirma cu e la biaha den un avion priva pa Corsou for di Aruba, y cu e la paga esaki cu su propio salario. Segun Croes su splicacion, e la haya un invitacion di colega minister (Sithree) van Heydoorn, pa ta presente pa yegada di seleccion di futbol di Corsou, despues cu nan a cualifica pa mundial di futbol 2026. Segun e mandatario, e tabatin un lugar reserva riba un buelo regular un dia despues, pa un conferencia Deportivo. Pero no por a haya lugar riba un buelo regular pa por logra cumpli cu e invitacion di e minister. E ora e la resorta na bula cu un avion priva. E ta sigura cu e mes a paga p’e, y a bisa mesora cu e ta algo cu e port e hasta declara despues.
MEP TA RECLAMAMientrastanto partido MEP ta sigui reclama riba e tema aki, indicando cu e mandatario no a presenta ningun prueba di e pago aki y cu e acto aki no ta corecto pa un minister. E mandatario no kier a bay den detayes riba e acusacion aki den e programa Noticiacla LIVE. Por scucha e audio di e entrevista AKI. Y si kier wak e programa completo, por click AKI.
Gobierno y sindicatonan SIMAR, SEPPA y TOPA a firma restructuracion salarial di maestro
ORANJESTAD – Gabinete AVP-FUTURO y sindicatonan SIMAR, SEPPA y TOPA diabierna mainta a firma pa e prome fase di restructuracion salarial di maestro. Simbolicamente a firma e declaracion aki den e edificio historico di Algemene Rekenkamer cu ta Aruba su prome Scol Publico. Esaki como simbolo di e compromiso di Gabinete AVP-FUTURO pa cu e progreso di Pais Aruba por medio di enseñansa. Cu aprobacion di Presupuesto 2026, esaki lo wordo formalisa.
Situacion den region a pone premier Eman cancela su bishita pa Hulanda
ORANJESTAD – Prome minister Mike Eman a cancela su biahe pa Hulanda e siman cu ta bin. Noticiacla a raporta di e bishita ayera, unda cu hunto cu dos prome minister di Corsou y St Maarten, e lo a biaha pa Hulanda. E fin di siman aki un delegacion di Aruba lo a sali pa Hulanda pa atende un serie di temanan importante. Prome Minister mr. Mike Eman tabata riba programa pa duna un di e principal lecturanan riba relacionan den Reino dia 9 di december durante Inter Expo-Koninkrijk, hunto cu entre otro Ministernan di Estado Balkenende y Hirsch Ballin.
Minister Gerlien Croes na MEP riba deadline : Mi buchi tambe ta yena!
ORANJESTAD – Minister Gerlien Croes (Partido FUTURO) a contesta partido MEP diahuebs riba e ultimatum (deadline) cu e partido geel a pone p’e riba e biahe cu jet priva. MEP a pone e ultimatum pa e minister divulga con e la paga pa e jet priva pa Corsou recientemente. Croes sinembargo, riba su pagina di Facebook a bis’e cu e tin cu preocupa cu aangifte contra e partido mes. ‘Apreciabel comunidad di Aruba, mane nos ta bisa na papiamento crioyo "mi buchi tambe ta yena" e unico deadline cu Partido MEP y su lider Evelyn tawata tin ta 6 di december 2024, ora cu pueblo a fada di politiconan cu ta mal usa fondonan di pueblo” e ta cuminsa na bisa.
Wever-Croes: Deadline a pasa y awor ta bay denuncia minister Gerlien Croes
ORANJESTAD – Partido MEP ta bay entrega keho contra minister Gerlien Croes, awor cu e deadline cu a pone p’e, a vence. Manera ta conoci, dos siman pasa e partido a pone un ultimatum (deadline) pa e mandatario, relaciona cu e biahe cu e la haci pa Corsou recientemente, usando un avion priva pa esaki. Segun MEP, ta kier sa di e minister con esaki a bay, y ken a paga pa esaki. Pasobra nan ta sospecha cu cosnan a bay fout y cu esaki ta bira castigabel. A duna e mandatario dos siman, sino lo a entrega keho contra dje.
Mike Eman bay Hulanda pa congreso di 10/10/10 cu premiernan di Corsou y St Maarten
DEN HAAG – E premiernan di Corsou, Aruba i Sint-Maarten lo tuma for di 9 te 11 di december 2025 na 36e Congreso InterExpo den centro di prensa y debate Nieuwspoort na Den Haag. Tema central ta diesinco aña di cambio estatal for di 10 di october 2010. Dia 10 di october 2010, Antia Hulandes a wordo disolve Corsou y Sint-Maarten a ricibi status di pais banda den Reino. Bonaire, Sint-Eustatius y Saba a bira cuerpo publico di Hulanda mes dia ey. Awor diesinco aña despues, e cambio estatal aki ta den centro durante e congreso.
Presidente di Parlamento di Aruba ta na Bruselas pa Eurolat
BRUSELAS – Dialuna 1 di desember 2025 a duna inicio na e reunionnan parlamentario entre Parlamento Europeo y Parlamentonan di Latino America y Caribe (Eurolat) na Bruselas. Den esaki, president di Parlamento di Aruba, Marlon Sneek tambe ta participa, hunto cu su coleganan di Corsou y St Maarten. Despues di un session preparatorio di e grupo Latino Americano y Caribe a sigui e session inaugural, den cual a pone enfasi riba e balor di e relacion entre e parlamentonan di ambos region.
Follow NoticiaCla
