Corsou ta ricibi 10 miyon euro di FIFA pa clasificacion pa Mundial 2026

WILLEMSTAD – E clasificacion di Corsou pa WK 2026 ta demostra cu e isla lo ricibi un ganancia financiero considerable. Segun bondscoach Dick Advocaat, FIFA lo transferi mas cu dies miyon euro na federacion di futbol di Corsou pa logra pasa pa e torneo final. Advocaat ta yama e suma “hopi importante” pa e isla. E entrenador cu hopi experiencia ta enfatisa cu atencion internacional riba e logro ta grandi y cu e impulso financiero ta crea chens directo pa desaroyo structural di futbol local. Segun ex-internacional Hedwiges Maduro, e cantidad por ta un punto di cambio pa deporte na Corsou. Inversion den formacion di mucha, entrenador y infrastructura por lanta desaroyo di talento na un nivel mas amplo. “Bo no mester subestima cuanto placa esaki ta pa Corsou,” Maduro ta bisa. “Esaki por hasi diferencia entre baseball y futbol como prome escoho pa hubenil.” Corsou lo tuma parti riba 5 di december den sorteo pa fase di grupo di WK den  Mexico, Merca y Canada. E pais ta den pot 4 y por haya tres oponente mas fuerte. Un partido contra Hulanda ta posible.