Merca ta confirma cu buelo di un bombardero y dos avion di combate a pasa riba Aruba

WASHINGTON - Merca diaranson a  confirma cu buelo di un bombardero y dos avion di combate a pasa riba Aruba banda costa di Venezuela. E bombardero B-52H a sali for di Base Aerea Minot, den Dakota di Norte. E la yega na Aruba rond 6:00 atardi, a pasa banda di peninsula Paraguana den Venezuela, a drenta cerca di Puerto Cumarebo den estado Falcon, segun registracion di flightradar24, pa despues acerca Caracas y sigui pa Puerto La Cruz.

FORZA AEREO

Forza Aerea di Merca a confirma riba su cuenta di red social X cu un bombardero B-52H di largo alcance a hunga riba Laman Caribe dialuna 24 di november, hunto cu avion di combate. “E bombarderonan B-52H di largo alcance di @usairforce for di @TeamMinot a haci un demostracion di atake riba Laman Caribe den marco di Operacion Lanza di Sur, contribuyendo cu seguridad y estabilidad hemisferico, dia 24 di november. Durante e mision, e fuerza aerea a integra cu avion di combate y a haci entrenamiento di movilidad rapido.”

E bombardero B-52H a sali for di Base Aerea Minot den Dakota di Norte, a yega na Aruba rond 6:00 atardi, a pasa banda di peninsula Paraguaná den Venezuela, a drenta cerca di Puerto Cumarebo, estado Falcon, segun flightradar24, pa despues acerca Caracas y sigui pa Puerto La Cruz.

Durante e biahe e tabata acompaña pa dos Boeing F/A-18E/F Super Hornet, un avion di combate polivalente, cu dos motor, di cuarta generacion, desaroya pa Boeing for di e F/A-18 Hornet original. E despliegue aki ta parti di Operacion Lanza di Sur.

“Esaki ta principalmente un iniciativa maritimo, y nos equipo lo usa patrulla maritimo, vigilancia aerea, intercepcion preciso y intercambio di intelihencia pa combate trafico ilicito,” segun   Pentagon.